RASEK. SPAZJU MIMLI ĦSIBIJIET. BIĊĊA KARTA. LEĦNEK.

Ħaddem moħħok u agħmel dikjarazzjoni kreattiva għad-diversità, kontra d-diskriminazzjoni. Ara xogħlok ippubblikat fuq powsters u fuljetti madwar l-UE kollha. Ħu sehem fil-Kompetizzjoni Ewropea tal-Powster bi premjijiet b’valur ta’ 5000 Ewro x’jintrebħu. L-aqwa immaġni viżivi se jintwerew f’esibizzjoni li ddur l-Ewropa kollha.

Il-kampanja ta’ l-UE dwar l-informazzjoni, “Għal Diversità. Kontra d-Diskriminazzjoni� stiednet l-istudenti ta’ l-arti u d-disinn minn madwar l-UE kollha biex jagħmlu dikjarazzjoni kreattiva għad-diversità billi jidħlu għall-kompetizzjoni tal-Powster “It-Tkissir ta’ l-Istereotipi�. L-istudenti ntalbu jipproduċu disinn ta’ powster li jippromwovi d-diversità li jkun jogħġob udjenza żagħżugħa. Panel ta’ ġurija internazzjonali magħmul minn artisti żgħażagħ, disinjaturi u esperti magħrufa fl-oqsma tad-disinn u l-komunikazzjoni għażlu l-aħjar disinji. Is-sottomissjonijiet ġew iġġudikati skond il-kreattività u l-oriġinalità ta’ l-espressjoni, iċ-ċarezza tal-preżentazzjoni u l-appell universali tagħhom.