Premjijiet li jiswew € 9,000

Billi jieħdu sehem fil-konkors, il-parteċipanti ngħataw l-opportunità li jirbħu l-premju ta’ l-ewwel post li jiswa € 3,000, il-premju tat-tieni post li jiswa € 2,000 jew il-premju tat-tielet post li jiswa € 1,000. L-unika kondizzjoni kienet dik li l-flus tal-premju jridu jintefqu fuq oġġett relatat ma’ l-istudji tagħhom. Aktar minn hekk, għall-appoġġ tagħhom, l-università jew kullegg fejn jattendi r-rebbieħ ta’ l-ewwel post rebħu € 3,000 addizzjonali.

Tħabbira tar-rebbieħ

Student tal-fotografija mill-Polonja ntgħażel minn aktar minn fost 600 student minn madwar l-UE bħala r-rebbieħ tal-premju tal-Konkors Fotografiku Breaking Stereotype ta’ l-Unjoni Ewropea. Krzysztof Gołuch, mill-magħruf Istitut Ċek tal-Fotografija Kreattiva ta’ l-Università ta’ Silesian f’Opava, impressjona l-imħallfin bit-tpinġija tiegħu ta’ raġel li qiegħed jixjieħ f’siġġu tar-roti jiffaċċja sular taraġ, metafora li tqanqal ħsieb għal ħafna barrieri u forom ta’ diskriminazzjoni li jiffaċċjaw in-nies fil-ħajja ta’ kuljum tagħhom. Nora Krauss, studenta Ġermaniża f’Berliner Technische Kunstschule, ħadet it-tieni premju, u Maja Kurant, ukoll studenta Pollakka mill-Università ta’ Gdansk, intgħażlet għat-tielet premju. Wirja ta’ l-aħjar ritratti qiegħda ddur l-Ewropa bħalissa. Bdiet din il-ġimgħa fi Brussell, fejn ir-ritratti qegħdin jintwerew f’wirja miftuħa quddiem il-kwartieri ġenerali tal-Kummissjoni Ewropea.

Dikjarazzjoni tal-Ä¡urija

L-Ewwel premju: “B’diżabilità- il-fdalijiet tal-jum� minn Krzysztof Goluch

Ma’ l-ewwel daqqa ta’ għajn, ir-ritratt rebbieħ iqanqal sentiment ta’ solitudni profonda u sens ta’ wieħed li ma jista’ jagħmel xejn. Huwa dan is-sentiment bażiku u vojt li jiġbed lil min jarah lejn dan ir-ritratt. Filwaqt li juri aspetti ta’ diskriminazzjoni bħall-età u d-diżabilità, ir-ritratt għeri, iswed u abjad għandu impatt dejjiemi fuq dak li jarah kemm fuq livell viżwali u kemm fuq livell emozzjonali. Ir-ritratt joħloq riflessjoni filwaqt li jibgħat messaġġ sempliċi iżda qawwi: jinkuraġġixxi lil dawk li jarawh sabiex jitkellmu u jieqfu lid-diskriminazzjoni.

It-tieni premju: “Sinteżi� minn Nora Krauß

It-tieni rebbieħa ntgħażlet mill-Ä¡urija għat-teknika impressjonanti applikata mill-fotografu flimkien mal-metodu li jinterpreta b’mod  miftuħ ħafna s-suÄ¡Ä¡ett tal-kompetizzjoni. L-immaÄ¡ni turi indana taraÄ¡ b’ħafna nies u tagħti sentiment ta’ stress u tensjoni. L-uniku element  statiku fir-ritratt huwa ż-żagħżugħ fiÄ‹-Ä‹entru li jisboq l-istorbju u l-kaos ta’ madwaru. Huwa jirrappreżenta taħlita tad-diversità li tidher fi kwalunkwe belt Ewropea llum, fejn il-popolazzjonijiet huma magħmula minn nazzjonalitajiet, etniÄ‹itajiet, twemmin u reliÄ¡jonijiet differenti. L-immaÄ¡ni jirnexxilha, bla ħafna sforz, turi d-diversità bħala norma.

It-tielet premju : “Divers... allura?� minn Maja Kurant

Dak li ġie t-tielet, collage ta’ ritratti, intagħażel minħabba r-rappreżentazzjoni friska, unika u pożittiva tad-diversità. L-individwi minn sfond differenti jiffurmaw taħlita ta’ kulturi, li jirriflettu b’mod adegwat in-natura eteroġenika tas-soċjetajiet ta’ llum madwar l-Istati Membri ta’ l-UE kollha. L-idea tagħha, li tqanqal il-ħsieb, twassal messaġġ qawwi: id-differenzi tagħna bħala individwi jagħmluna entità waħda aktar b’saħħitha.

Gallery

Please click on the image to view enlarged version.